|
« خلخال خاطره لری » چئخمر كیوی نین گوللی چیچكلی باغی یاددان یاشیل چمنی آرخی چایی چایلاغی یاددان آغلار بولودی گویده ، گولش غنچه سی یئرده مشرقدن اسن سلّمی آخشام چاغی یاددان البرزون اوزون زنجیره سیندن ساوالان تك اول قارلی وقارلی عجمی آق داغی یاددان گوركملی ، سویملی هروون باغی باهاری دورت بیر یانی نین لاله لری ، زانباغی یاددان حاجت بولاغی ، كورپی باشی ، نور علی چایی قازلار كوچه سی ، قئزباخانی ، اونداغی یاددان گؤی یال ، قوشا داش ، داشلی یاماش ، كورپی بولاغی رستم داشی ، بهمن دره سی ، خان باغی یاددان باش داندارالار، تندیرهلر، گؤی بیره وانلار چشمه ، كوله سر ، دؤز كیوی نین اویناغی یاددان جنگل یولی ، هریان ساری ، آغ ، قرمزی گل لر گوی دؤش لری ، باش گوی ده آغاجی ، داغی یاددان عمرون یازی او الكه ده گئچدی ، نئجه گئتسین ازنو چمنی ، ازنو باغی ، ازنو داغی یاددان یاددان نئجه چئخسین ؟ آنا یوردوم دی چئیخانماز حرمت لی آقامین ، آنامین توپراغی یاددان شانلی آقامین قامتی ، تقواسی كمالی قرآن سسی ، ائل قایغو لوغی ، آنّاغی یاددان مرحوم آنامین ، بوی بوخونی ، حجبی ، صفاسی باش دا چادرا ، ئوزده اولان یاشماغی یاددان املیك قوزی ، شیطان چپیش ، آغ توخلی ، كهر دای كیشنر آتی ، شلّی چاپاغان ، دایلاغی یاددان جیران كیمی ، گل اوزلی ، آلاگؤزلی گؤزل لر ئوزده قارا تل ، قول دا گؤزل قولباغی یاددان گؤركملی جاوان لار، ئوزی نورلی قوجا كیشیلر مشد آغ دده نین صب لر آذان وئرماغی یاددان تقوالی ، درین شس لی ، شرف لی ، علمانین تسبیحی ، عباسی ، قباسی ، باشماغی یاددان سان گئچمه ده دیر خاطره لر ، خاطره قارشی قئز قاچما ، كبین كسمه ، چوئوش بایداغی یاددان ایستكلی همانین آناسین گؤرمهمیش آلماخ بگ چئخما ، گلین گلمه ، دو آخ قاپماغی یاددان قلبور كیمی خاطر، الییر گئچمیشی ، صاف لار گئتمز له ، گئدهر ، جمله سئنخ سالخاغی یاددان یاددان چئخری یونكی بیلیك لر، ولی چئخماز اورگشدیگیمز زادلار اوشاخلئق چاغی یاددان اؤ اؤچی كه اؤلاردی آزاد كهلیگی چؤل ده تئز گئتدی تفنگی ، دوزاغی ، چاخماغی یاددان اما اؤزین اؤز نوعینه وقف ایلیهن انسان ممكن دگیل ایل لر اوزونی چئخماغی یاددان دوغما وطنیم دیر ، عزیز اؤلكهم منیم ایران گئتمز داغی ، داشی ، اوجاسی ، آلجاغی یاددان آذربایجان توپراغی روحیم دی جانیم دی چئخماز گئجه ، گوندوز اؤ گؤزل توپراغی یاددان گؤز قئزدیرارام چون ، یوخودا ، تبریزی گؤررم گئتمز ، بازاری ، ارگی ، گلستان باغی یاددان آلتی ایله ، آلتی له لیسانس آلدیغیم اؤردا دانشكدهیه ، مدرسهیه قاچماغی یاددان سؤز شهریارین ، شوقیله اوّل گونی گؤرماخ ارژنگایله فرهنگین آتی ، قولچاغی یاددان هر نه حسنین چئخسا یادین دا چئخا بیلمز خلخالئمیزین باغی ، چایی ، چایلاغی یاددان
+ نوشته شده در جمعه ۲۹ اردیبهشت ۱۳۹۱ساعت ۵ ق.ظ توسط سید حامد مدنی
|
|
درباره وبلاگ  سید حامد مدنی
---------------------------------
|
