حسرت یاش اولوب گوزلره دولماخدادی دای گل / گوز یاشلاری آخماخدا سئل اولماخدادی دای گل

شعر بسیار زیبا به مناسبت نیمه شعبان از خانم رئیس زاده با تخلص " سحر "

ارسال شعر : از دوست بسیار عزیزم احمد فیضی که جا دارد ازشون بخاطر همراهی های صمیمانه ای که با ما دارند تشکر کنم .ان شاء الله هر کجا که هستند موفق و پیروز باشند .

.

حسرت یا ش اولوب گوزلره دولماخدادی دای گل

گوز یاشلاری آخماخدا سئل اولماخدادی دای گل

هیجران توری دونیانی قفس تک بورویوبدور

دونیا کیمی باغریمدا دارالماخدادی دای گل

هیجرینده کئچن لحظه لری یانغیلی ساز تک

غم پنجه سی ، آه زخمه سی چالماخدادی دای گل

سن سیزلیگه دوزمک نه سایاق مومکون اولارمیش

دوزدوم ، دوزوموم جانیمی آلماخدادی دای گل

گل قوی گونشین بایداسی دونیایه جالانسین

باغریمدا قارانلیق ایزی قالماخدادی دای گل

سال داغلارا های گویده بولوتلار دیله گلسین

یارپاق کیمی وارلیق بویو سولماخدادی دای گل

یاتماز یولونو گوزلریم اولدوز کیمی گوزله ر

گوزلر کوکو حسرتله سارالماخدادی دای گل

هر گون ((سحر)) آدیملاریون ماهنی سین ایزله ر

آچمیش سحرین باغری قارالماخدادی دای گل